ბ ა ნ ა კ ი

                  2014წლის 26მაისიდან 1 მაისამდე შედგა „სამოქალაქო განათლების საგაზაფხულო ბანაკი 2014.“

                  ბანაკი ჩატარდა ქ. წყალტუბოს სასტუმრო „წყალტუბო სპა  რესორტის „ ბაზაზე .

         მიზანი:  სამოქალაქო განათლების პედაგოგთა გადამზადება , სასკოლო პროგრამის ხარისხის გაუმჯობესება და გააქტიურება-მონაწილეობა დემოკრატიული საზოგადოების მშენებლობის პროცესში.  სათემო პროექტების შემუშავება და განხორციელება .

            ბანაკში მონაწილეობა მიიღო  მე-5 საჯარო სკოლის , სამოქალაქო განათლების კლუბის წევრმა მარიამ კახურაშვილმა და მიეცა დამადასტურებელი სერთიფიკატი. 

            ბანაკი ინტერნაციონალური შემადგენლობით გამოირჩეოდა მასში მონაწილეობას ღებულობდა აზერბაიჯანული სკოლის მოსწავლეებიც.

                   
                                    ქვემო ქართლის შემაჯამებელი ფორუმი

                  2014წლის 10 აპრილს ქ.რუსთავის სასტუმრო „გრანდ ვეჯინში“  გაიმართა         „სამოქალაქო ინტეგრაციის ახალგაზრდული ბანაკის „ ქვემო ქართლის შემაჯამებელი ფორუმი“,რომელსაც ორგანიზება გაუკეთა სიქამ.

           ფორუმზე მოხდა ბანაკის მონაწილე ქართველი და აზერბაიჯანელი მოსწავლეების მიერ განხორციელებული სათემო პროექტების პრეზენტაცია.
           პრეზენტაცია მოისმინა ქალაქის მერმა - დავით ჯიქიამ და მერიის სამსახურის წარმომადგენლობამ.
   ფორუმს ესწრებოდა სამოქალაქო განათლების კლუბის მეურვე- ქეთევან მჭედლიძე და 3 წევრი : მარიამ კახურაშვილი , მარიამ ჯოხარიძე და კულიჯანაშვილი მარი.

           

                                          კ  ო  ნ  ფ  ე  რ  ე  ნ  ც  ი  ა 
             

                  2014 წლოს 22 მარტს ქ.რუსთავის მე-15 საჯარო სკოლაში ჩატარდა-
        სამოქალაქო განათლების პედაგოგთა ფორუმის რეგიონალური ღონისძიება

                    მოეწყო საჯარო პრეზენტაცია ფორუმის სტრატეგიის, სამოქმედო გეგმის, მიზნების, ამოცანებისა და სერვისების გაცნობა .
            კონფერენციას ესწრებოდა კლუბის მეურვე - ქეთევან მჭედლიძე

                                ს ა ქ ვ ე ლ მ ო ქ მ ე დ ო         ა ქ ც ი ა


              2014 წლის 17 მარტიდან - 10 აპრილამდე კლუბმა მონაწილეობა მიიღო საქველმოქმედო აქციაში- შევუნარჩუნოთ 3 წლის ლიზი ყაველაშვილს სიცოცხლე!
კლუბის წევრები და მეურვე, გავესაუბრეთ ჩვენი სკოლის პედაგოგ მანანა წერეთელს, ბავშვის მდგომარეობასთან დაკავშირებით.(ლიზი მისი დის შვილისშვილია).
 დავადგინეთ, რომ: სამწუხაროდ, ბავშვს კუდუსუნზე სიმსივნე აღმოაჩნდა. მას 6-ჯერ გაუკეთდა ქიმია. ამით ექიმებმა შეუმსუბუქეს ტკივილები, მაგრამ იგი რომ განიკურნოს საჭიროა ოპერაცია.
         ოპერაციის გაკეთებას მხოლოდ ისრაელში დათანხმდნენ. რომლისთვისაც 40 000$ საჭირო. ლიზის მშობლებს არ აქვთ საშუალება იხსნან შვილის სიცოცხლე და იმედი აქვთ კეთილი ადამიანების! ამიტომ ჩავერთეთ ამ საქმეში და შევადგინეთ სამოქმედო გეგმა. გავინაწილეთ დავალებები, მასში ჩვენთან ერთად ჩართულია სკოლის დირექცია და მოსწავლეთა თვითმმართველობა.
       კლუბის მეურვე - ქეთევან მჭედლიძე, თანხას შეაგროვებს პედაგოგებში, ხოლო კლუბის წევრები და მოსწავლეთა თვითმმართველობა მოსწავლეებში, მშობლებსა და საზოგადოებაში.

                                  შხვედრა ქ.რუსთავის #17 სკოლაში

           16 დეკემბერს #17 საჯარო სკოლაში გაიმართა მრგვალი მაგიდა,სადაც მოწვეული იყო ინკლუზიური მოსწავლეების განათლების კოორდინატორი ნონა ბერუაშვილი,ასევე ესწრებოდნენ #5 და #12 საჯარო სკოლები. ჩვენი კლუბიდან ესწრებოდნენ თათია აბეწვაშვილი და სალომე ბაკაშვილი. მოსწავლეებს ჩატარებული ჰქონდათ კვლევა თემაზე ,,რა უშლის ხელს ინკლუზიური მოსწავლეების ინტეგრაციას საზოგადოებაში''.  შეხვედრამ წარმატებით ჩაიარა, იმსჯელეს მასწავლებლებმა, მოსწავლეებმა და აგრეთვე მშობლბმა ამ საკითხთან დაკავშირებით. მომავლისთვის დაგეგმეს კიდევ ერთი აქტივობა,რომელიც ერთ-ერთის ინიციატივით წამოვიდა.

                                         
                                              12.12.2013 ღია გაკვეთილი

     ქ.რუსთავის #5 საჯაო სკოლის მე9 კლასში,სამოქალაქო განათლების კლუბის წევრების მონაწილეობით ჩატარდა ღია გაკვეთილი, რომელსაც ესწრებოდა სამოქალაქო განათლების დამხმარე სახელმძღვანელოს (მე9, მე12 კლასელებისთვის) ავტორი,სამოქალაქო განათლების ექსპერტი ქალბატონი-ნინო ბესელია.

გაკვეთილის თემა__თვითმმართველობა საჯარო სკოლასა და უმაღლეს სასწავლებელში.

პედაგოგი__ქეთევან მჭედლიძე.

მიზანი__საჯარო სკოლაში თვითმმართველობათა განხორციელების გახსენება და        გაანალიზება.

    გაკვეთილს ესწრებოდა სკოლის დირექტორის მოადგილე ქალბატონი მარიკა შარიქაძე. გაკვეთილი შეფასდა,როგორც დამსწრეთა მიერ, ასევე მოსწავლეების მიერ. გაირკვა, რომ ასეთი სახელმძღვანელოები საშუალებას იძლევა უფრო ფართოდ და სიღრმისეულად იქნეს შესწავლილი ნებისმიერი საკითხი. გაკვეთილით მოსწავლეებმა სიღრმისეულად გააცნობიერეს ადგილობრივი თვითმმართველობის მნიშვნელობა და ფუნქციები, გაიგეს როდის და რატომ უნდა მიმართონ  მათ, შეადგინონ პროექტები და მათთან ერთად გადაჭრან პრობლემები.
      საბოლოო ჯამში, ეს ყველაფერი ხელს შეუწყობს ჩვენს ირგვლივ ადგილობრივი დემოკრატიის დამკვიდრებას მოზარდების აქტიური მონაწილეობით.        

                                             

                                                   11.12.2013

         11 დეკემბერს  #5 საჯარო სკოლის სამოქალაქო კლუბის 2 წევრი- თათია აბეწვაშვილი და სალომე ბაკაშვილი  შეუერთდა #17 საჯარო სკოლის სამოქალაქო კლუბ ''თემიდას'', მათ მოინახულეს ნარჩენების გადამამუშავებელი ქარხანა(სოფელ სამგორში), კლუბის წევრებმა ინფორმაცია შეიძინეს ნარჩენების გადამუშავების პრინციპზე,რომელიც გააცნო კომპანიის დირექტორმა ხათუნა გუგეშაშვილმა. ჩვენი კლუბის წევრებმა  ეს ინფორმაცია ჩვენ გადმოგვცეს, რითაც ცოდნა გავიღრმავეთ ამ საკითხთან დაკავშირებით. კომპანიის დირექტორმა გაგვაცნო სამომავლო გეგმა და შეხვედრა გაიმართა კითხვა-პასუხის რეჟიმში.